Supë me perime, mish viçi dhe Lëng Kockash

Përbërësit:

1. 1 patate të madhe

2. 2 karrota

3. 1 kungull jeshil

4. 1/2 kungull i verdhë

5. 1 finokio

6. 200 gr kerpudha shampijon

7. 1 presh

8. 1 qepë

9. 1/2 kg mish viçi

10. 300 ml lëng kockash

11. 1/2 tufë majdanoz

12. kripë

13. piper

14. vaj ulliri

Vendosim tenxheren në zjarrë me 4-5 lugë vaj ulliri. Ndërkohë presim mishin e viçit në copa të vogla dhe e kavërdisim në tenxheren e nxehtë, deri sa të marri ngjyrë pjekjeje. Më pas grijmë qepën dhe preshët dhe i kavërdisim për 3 minuta në tenxhere së bashku me mishin. Gjatë kësaj kohe presim në kubikë mesatarë të gjitha perimet dhe i kavërdisim, të gjitha së bashku, gjithashtu për 2 minuta në temperaturë të lartë. Më pas shtojmë lëngun e kockave dhe 1.2 litër ujë të ngrohtë dhe i zjejmë në zjarrë të ngadaltë për 1,5-2 orë (derisa mishi të ketë zjerë). Afër fundit shtojmë kripën dhe piperin sipas dëshirës. E servirim të ngrohtë dhe me pak majdanoz të grirë.

Ju bëftë mirë!