Thjerrëza sallatë

Përbërësit:

1. 250 gr thjerrëza

2. 1 domate

3. 3 qepë të njoma

4. 3 thelpinj hudhër

5. 1 tufë majdanoz

6. 1 konservë sardele

7. 2 lugë misër konservë

8. kripë

9. piper

10. vaj ulliri

11. uthull

Vendosim thjerrëzat në një tenxhere dhe hedhim në të pak ujë (sa të mbulojë thjerrëzat). E vendosim tenxheren në zjarrë dhe sapo thjerrëzat të marrin një vlim, e heqim, derdhim ujin dhe i shplajmë thjerrëzat. Më pas vendosim 1 litër ujë në tenxhere dhe zjejmë thjerrëzat per 20 minuta( kontrolloni kokrrën nqs ka zjerë mirë). Në 2 minutat e fundit shtojmë kripën sipas dëshirës. Kur të përfundojë zjerja, kullojmë thjerrëzat dhe i lëmë të ftohen.

Presim domaten në kubik të vegjël dhe e shtojmë në një tas. Shtypim hudhrën dhe më pas e presim në copëza të vogla, Presim qepët e njoma, sardelet dhe majdanozin. Shtojmë gjithë përbërësit në një tas dhe më pas shtojmë, kripën, piperin, vajin e ullirit dhe 3 lugë gjelle uthull (sipas dëshirës). Përziejmë mirë gjithë përbërësit dhe e shërbejmë.

Ju bëftë mirë!